“Asyano ako, Ipinagmamalaki ko”

Isinulat ni: Angelyn Castro

              Marami sa atin na Asyano ang pumupunta sa ibang bansa para mag-enjoy, Makita ang kanilang pamilya, magtrabaho at marami pang iba, subalit sa pagpunta nila doon sila ay binabalewala, sinusumbatan, ang kanilang kakayahan ay hindi ipinagmamalaki at ikinagagalit sila ng karamihan kaya hindi nila ipinagmamalaki ito at madalas itinatago nila ang tunay na lahi nila. Sa sanaysay na ito ipapaliwanag ko sa iba pa nating kapwa Asyano na nasa ibang bansa na dapat lang natin ipagmalaki at sabihin na “Asyano Ako!”.

             

              Maraming dahilan kung bakit ipinagmamalaki ko na ako’y isang Asyano ngunit sa ngayon ay magbibigay muna ako ng tatlo: Una, ang balat natin na kayumangi, tayong mga Asyano ay hindi na kailangan magpa-tan ng balat dahil nasa lahi na talaga natin ito. Pangalawa, ang pagiging “hospitable” natin, Maraming tao sa ibang bansa ang gusto ng ganitong “quality of service” para umunlad ang kanilang kabuhayan o kaya magkaroon ng mga kaibigan. Pangatlo, ang “fighting spirit” natin, tignan natin si Manny Pacquiao kahit siya ay nasasabihan ng maliit at hindi niya kayang mag-boxing, nagpursige siya para maipakita niya sa mga tao na kahit maliit siya, kaya pa rin niya ito at naipakita naman niya ito sa atin ng ilang beses dahil sa kaniyang mga panalo.

              Ang tatlong dahilan na iyon ang gusto kong maipahiwatig sa kapwa kong mga Asyano para hindi na nila kailangan itago ang tunay na lahi nila kundi ipagmalaki nila ito. Dapat hindi tayo magpadala sa mga sinasabi ng mga tao tungkol sa atin dahil hindi pa naman nila tayong nakikita kung ano ang kaya nating gawin. Ipagmalaki natin ng lubusan ang pagiging Asyano natin dahil isa ito sa pinakamagandang lahi sa buong mundo.

“Pagiging Asyano, ipinagmamalaki ko.”

Isinulat ni: Lyra Decano

            “Kahit ano man ang kulay mo, kahit sino ka man, dapat mong ipagmalaki na ikaw ay isang ASYANO” – ito marahil ang kasabihang naririnig ko sa ating mga kababayang Asyano na nagta-trabaho sa ibang lugar. Marami na rin sa atin ang nakararanas ng diskriminasyon sa ibang lugar tulad sa Europa at Amerika. Lagi nalang mababa at trato at pagtingin sa atin ng ibang lahi. Ngunit bilang isang Asyano, paano mo maipapahayag sa buong mundo na ipinagmamalaki mo ang pagiging isang Asyano?

              Alam nating lahat na ang Asya ay ang pinakamalaking kontinente sa buong mundo. Kasama nito ay ang marami nitong populasyon. Kapag narinig natin ang salitang “Asya”, marami ang pumapasok sa ating isipan. Sagana ito sa mga likas na yaman, pampalasa, mga pasyalan at iba pa. Hindi lang iyan, nakilala rin tayo sa ibang panig ng mundo. Sa larangan ng sining, pantikan, musika at palakasan, sikat din ang mga Asyano. Isa na rito si Lea Salonga na gumanap na “Kim” sa Miss Saigon, si Sitti Nurhaliza na may ginintuang tinig at puso ng Malaysia, si Yao Ming na kilala sa larangan ng basketball at si Jackie Chan na kilala sa larangan ng “martial arts”. Sa madaling saita, ang mga Asyano ay may natatanging kakayahan at may “talento”.

             

              Kung iyong mapapansin, maraming magagandang pasyalan ang makikita sa Asya. Sa aking obserbasyon, maraming dayuhan ang dumarayo rito upang mamasyal at makita ang ganda ng Asya. Marami rin mga iba’t-bang kultura at tradisyon sa nananatili pa rin hanggang sa ngayon ang makikita lang sa Asya. Isa na rito ang Animismo ng Japan, Budhismo sa China at kulturang Islam at Ifugao sa Pilipinas. At higit sa lahat, dapat nating ipagmalaki na masisispat at palaban ang mga Asyano. Hindi nila hahayaan na may mang-api sakanila. Pinagsisikapan nila na umangat sa kanilang pamilya. Handa silang magtiis para lang sa kanilang mga pamilya.

Bilang isang Asyano, maraming dahilan para ipagmalaki mo ang iyong lahi. Kahit na ikaw ay isang Asyano, hindi mo dapat hayaan na ikaw ay apihin ng ibang lahi. Ipinanganak tayo upang isigaw sa buong mundo na tayo ay Asyano. Hindi mo kailangang maging sikat o mayaman para ipagmalaki na ikaw ay isang Asyano. Kahit na ikaw ay isa lamang ordinaryong Asyano, maari mong patunayan at ipakita sa buong mundo na ikaw ay karapat dapat na irespetong Asyano.

“Asyano ako, ipinagmamalaki ko.”

Isinulat ni: Markyla Dizon

Amerikano, Aprikano, Europeyo at Australyano. Sa dinami-rami ng mga lahi sa mundo, masaya ako na ako ay isang Asyano. Hindi man kasing puti ng mga Australyano at kasing-galing mag-Ingles ng mga Amerikano, kuntentong-kuntento na ako bilang isang Asyano. Masiyahin, pala-ngiti, mababait at magaganda ang trato sa kapwa ay ilan lamang sa mga katangian at kaugalian ng mga Asyanong tulad ko.

Sa kabila ng maraming diskriminasyon sa mga Asyano, tayo ay masaya at namumuhay na parang walang mga problema. Ipinapakita na parang maayos lang ang lahat at para bang walang pinagdadaanang pagsubok sa buhay.

Halimbawa nalang ng mga OFW, sila ay marangal na nagta-trabaho sa ibang bansa, hindi pansin kahit na sila ay malayo sa kani-kanilang mga mahal sa buhay. Napakasakit isipin, dahil sa kabila ng paghihiwalay nila sa kanilang mga pamilya’t kaibigan, sila ay sila ay nakatatanggap ng diskriminasyon. Sila ay madalas napag-iinitan ng ulo ng kanilang mga boss.  Pinaplantsa ang mukha, binubugbog at kung anu-anong bagay ang mga ipinagbabato sa kanila, masakit isipin, ngunit kailangan tanggapin.

Ako, bilang isang mag-aaral, wala akong sapat na kapangyarihan para ihinto ang bagay iyon na talagang laganap na sa buong mundo. Ngunit alam ko na kahit sa napakaliit at napakasimpleng bagay ay makatutulong ako. Tulad na lamang ng pagsusulat ng sanaysay na ito. Mailalahad ko na, ako ay isang Asyano, taas-noo, ipinagmamalaki ko.

Hindi hadlang ang sasabihin positibo man o negatibo. Hindi tayo nabibilang sa mababang antas ng lipunan. Sadyang ang ibang makikitid ang utak ay masyadong matataas ang tingin sa mga sarili nila. Sabihin natin sa kanila ang mga katagang ito: “Asyano ako, ipinagmamalaki ko.”